وحدة متصلة على واحد في نص الليل

وحدة متصلة على واحد في نص الليل شو تبا منه ؟!

كنت نايم ..
وبعالم الأحلام هايم
مادري في شو كنت أحلم
مره احس اني اسوق سياره ..
ومره اقول كنت مضيف طياره ..
كان الجو بارد ..
وكنت متغطي وشارد ..

رن التلفون
وقلت ياترى من يكون ؟؟..
هذا المزعج هل هو صديق ولا مزيون ..
هل هو عاقل ولا مجنون؟؟..
رديت عليه وانا كلي شك وظنون!!..
وبـرقه بعد ماكنت عصبي انا انسان حنون ..

سمعت صوت ماتوقعته .. :
ولا في خيالي تخيلته ..
ولا حتى بحلمي سمعته ..

بنت ..

قلت هلا ؟!..

وقالت اهلين ..
نوره موجوده ؟؟

قلت وأنا صوتي رايح فيها ..
لحظه شوي بناديها ..
وجلست أصوت واقول نوره ..
يامن نوره يلاقيها ..
ورديت للسماعه وقلت مادري وين راحت الله يهديها ..

بس دقيقة ماعندنا نوره!!
وبادر البنت خوف!!
قالت آسفه غلطانه ..
قلت ولا يهمك عادي لا تكونين زعلانه؟؟
مايهم اذا ماعندنا بالاسم فلانه ..

وقالت شكلك كنت نايم ..
قلت لا .. توني قايم ..
قالت تدرس ؟؟..
قلت الدراسه خلاص ..
انتي شكلك تدرسين ؟؟
كيف اختباراتك ؟؟..
عسى أنكم مرتاحين
قالت باقي لنا ونخلص يومين
وخايفه والله من مادتين ..
قلت من الاختبارات لآ تخافين ..
دامك الليل تذاكرين ..
وعلى الله تعتمدين ..
واللي يزرع جح ما يحصد يقطين ..
أهم شي انك ماتنسين ..
قبل الاختبار الله تدعين ..
ومن إبليس تتعوذين ..
خلقه من نار وخلقنا من طين ..

وحنا نسولف في أمور ..
من شو اسمك الين غلاء المهور ..

قالت اسمي (ود) وقلت لها انا حمد ..
وقالت صدفه غريبه اسامينا فيها دال ..
تصدق كنت اتمنى يسموني نوال !!..
تصدقين وانا كنت اتمنى يسموني جمال !..

وحنا نسولف في بحور الشعر والموال ..
وماهمنا كلام الناس والعذال ..
وفجاءة خلصت السوالف ..
ولا لقينا اللي ينقال ؟؟..
وسكتنا ..

وبدلع ..
قالت أنت تشجع الأهلي ؟؟..

قلت في قلبي ..
مادري أجاوبك بكف ولا بنعال ..
بالله عليك هذا سؤال ؟؟..

قلت أنا هلالي ..
وما يهمني القيل والقال ..
هذا الكوماندوز هذا حبه طاح في القلب ولا ينشال ..
والشمس مايغطيها مشخال ..

قالت شمعنى الزعيم !!..
قلت يا بنت ..
الشعب فن ولعب ويفوز باللي حضر ..
وجمهوره له كلمة وامر ..
يابنت ..
لا تغريني بالكثير ..
لو تضربين مليون بصفر تساوي صفر ..

و حتشرنا وشبينا ..
بس بسرعه انطفينا ..
الظاهر بعضنا هوينا ..
وبدرب الحب ابتدينا ..

قالت .. حمد ..
قلت آمري يا ود ..
قالت اوصف لي شكلك ..

هذا وين توهقنا ..
شوفي العرب لونهم واحد ولسانهم واحد ..
واحلف بالله ولا غيره أحد
أني مب طويل ولا قصير ..
شعري ناعم مثل الحرير ..

قالت والعيون ..
قلت العيون شبرين في ثلاثه اشبار
قالت اسد ..
قلت شكرا يا احلى ود
المهم ان تواعدنا ..
والموعد بكره في المول قررنا ..
بين خوف وامل تواعدنا ..
وقضيت ليلتي في حيرة ..
شو البس ؟؟..
جنز ولا كندوره والله حيرة ..
مافي غيرها تفك الحيرة ..
شيشه وتعميرة ..

ورجعت للبيت اعاتب امسي وابتسم لغدي..

وبصعوبة نمت ..
قعدت اتقلب وون ..
يا قلبي قلي شو اللي من الحب اهون؟؟

غريبه هالدنيا غريبة ..

وراحت ليلتي ..
وزادت بلوتي ..
اليوم موعدي ..
انا والحب بنلتقي ..

وكشخت ..
لبست فوق راسي غترتي ..
في مكان اللقاء تغيرت حتى خطوتي ..
صرت ارتجف واترنح بمشيتي ..
كائني انساق للموت وهاذي نهايتي ..

مب سوالف شجاعة ..
هذي اكبر بطولاتي ..
اذا خسرت بتضيع احلى امنياتي ..
جلست ادور والف وحول المكان اطوف ..
وين هذيك العين اللي عليها قلبي ملهوف ..
ود؟؟ ياليت الناس تجي وتشوف ..

وفجاءة ..
وصلني مسج ..
يقول ..
سويتها فيك يا حمد ..
رد بيتكم وخل عنك هسوالف ياتـعبان

روح نام ..
تعيش وتاكل غيرها ..
وسويتها فيك ..
المرسل :
الواالده ...

للمزيد من مواضيعي ..

ردوا بتواضع أو بدونه ..
كله يوصل ..

كُنْ في الحيآة كاعابِر سَبيل
وأتركـْ ورآءكـْ كُل أثر جميِل
فًمآ نحنُ في الدُنيآ إلآ ضيوف
ومآ علي الضيفيِ إلآ الرحيلْ

قال رسول الله (ص): "عليكم بمكارم الأخلاق، فإن الله عزَّ وجلّ بعثني بها".
وقال أيضاً: "إنما بُعثت لأتمم مكارم الأخلاق.

اللَّهُمَّ إِلَيْكَ أَسْلَمْتُ نَفْسِيَ ، وَإِلَيْكَ وَجَّهْتُ وَجْهِيَ ، وَإِلَيْكَ فَوَّضْتُ أَمْرِيَ ، وَإِلَيْكَ أَلْجَأْتُ ظَهْرِيَ رَغْبَةً وَرَهْبَةً إِلَيْكَ ، لا مَلْجَأَ وَلا مَنْجَا مِنْكَ إِلا إِلَيْكَ

شجاني حبها حتى بكيت
وفوق الدنيا مهولاُ مشيت
في قلبي لها شوقاُ بنيت
فقالت : هل سعيت لكي تراني ؟
فقلت : أنا لغيرك ما سعيت
لأنك ( يا جنة الفردوس) أغلى ما تمنيت

'اللهم إني أسالك إيمانا دائما وأسألك قلبا خاشعا وأسألك علما نافعا وأسألك يقينا صادقا وأسألك دينا قيما وأسألك العافية من كل بلية'